مجالس آل ضو - قبيلة شمر

ملحـمة آل ضو

الـحـمـد لـلـبـاري عـزيــز الـجـلالــي

حمـد ٍ كثـيـر ٍ عــد رمــل السْهَـالـي

الــواحـــد الـمـعــبــود أول وتـــالـــي

فـردٍ صـمـد مـالـه شـريـك ٍ يسـاويـه

الـبـاقـي الـلــي دايـــم ٍ مـايـزولــي

تحتـار فـي وصفـه جمـيـع العقـولـي

مـنـزه ٍ عــن كـــل قـــول ٍ جـهـولـي

بالحـمـد والتسبـيـح يـذكـر ونـدعـيـه

يابـانـي ٍ مــن فوقـنـا سـبـع ٍ شــداد

ورفعتـهـن مــن دون عـمـدان واوتــاد

وزينـتـهـن بـكـواكـب ٍ مـالــه اعـــداد

انـت العظيـم اللـي نخـافـه ونرجـيـه

وبسـطـت أرضــك للخـلايـق فضـيّـة

وذللـتـهـا يَـمَــا غــــدت كالـمـطـيّـة

وارسـيـت أركـانَـهْ بالـجـبـال الـقـويّـة

ودحيتهـا بالـقـوت والــرزق محصـيـه

وخلـقـت آدمْ مـــن تـــرابٍ وطـيـنـي

واودعـت نسـلـه مــن مــاءٍ مهيـنـي

لـك الثنـا والحمـد فــي كــل حيـنـي

حـمـدٍ بـثـر حـمــدٍ نـعـيـده ونثـنـيـه

ومن بعد ذكري للولي عالـي الشـان

هـو الكـريـم الـلـي رحـيـم ورحـمـان

سبحان من يعطي الجزيلات سبحان

إلـهـنــا حـــــق ٍ عـلـيـنــا نـبــديــه

نـذكـر فـعــول ٍ مـاضـيـات ٍ قـديـمـاتْ

لجـدودنـا هــل الـشــرف والـمــرواتْ

اللـي لهـم بالمجـد صـولـة وجــولاتْ

اعـيــال الـضّــوي جـدنــا مانـخـفـيـه

سالم ولد شمروخ من نسـل الاخيـارْ

وزميـل ابـن زوبـع لـه اخـبـار واذكــارْ

وشـمـر لـنـا عــزوة لـيـا صارمـاصـارْ

هــذا نسبـنـا نفـتـخـر بـــه ونـبـديـه

وحنـا ثـلاث فخـوذ ٍ عـدِّنـا بالتمـامـي

السْميـحْ والمِطـلِـبْ رجــال ٍ كـرامـي

وآل مْحَمُودالـلـي بــراس السـنـامـي

مــن تـرثـة الاجــواد مـاهـم دنـاويــه

اعلومـهـم عـنـد النشـامـى طريـفـهْ

الـلــي فعايـلـهـم جـــزالٍ شـريـفــهْ

اهـل النقـا واهــل الـعـراض العفيـفـهْ

تاريخـهـم مـعـروف يـاجـاهـل ٍ فـيــه

يشهد لهـم بالطيـب هـو والشهامـهْ

راعـي سكاكـا يـوم يشكـي سلامـهْ

ويـمـدح صيانـيـهـم كـثـيـر طـعـامـهْ

هاكزمـان الـلـي بــه الـوقـت حـاديـه

وبـادي بـهـم يـقـول زيـنـات الامـثـالْ

ويذكـر منازلهـم مــن الشّـيْـر لقـيـالْ

بالخـوف ماهابـوا مــن الـقـوم خـيـالْ

عنـد العشـايـر رميـهـم مــن يدانـيـه

وخفيـج يــوم يـمـدحْ رفــاع الحمـايـلْ

طلقـيـن الايــدي كاسبـيـن النفـايـلْ

أولاد ســالـــم عــدهـــم بــالاوايـــلْ

قصـيـدتـه كـــل ٍ دريـبــه وتـرضـيــه

وصـفـوق ابـولـزام شـاهــد ٍ لفعـلـنـا

عــد الصحـيـح وقــال نـعـم ٍ بربـعـنـا

مايجـحـد المـعـروف والطـيـب والثـنـا

ألا ردي الــجــدْ والــحـــظ مـهـفـيــه

ويـوم ابـن معَقِـلْ يمنـا جــاك عــادي

بـــاولاد وايـــل دايــريــن الــطــرادي

غـدوا بهـم ربعـي صـطـام المـعـادي

عقيـدهـم مـذبـوح والـفـود مخـطـيـه

ونـاقـة غـريِّـب يــوم تِـدْخَــلْ علـيـنـا

وتـسـبـبـت بـشــرورهــا وابـتـلـيـنـا

قـمـنـا بــواجــب حـقـنــا مانثـنـيـنـا

الـثــار مانـنـسـاه والــدّيــن نـوفـيــه

ربـعـي قطـعـوا للـثـار ديـــار ٍكـثـيـره

من نجـد سـاروا مـا خطاهـم قصيـره

وصطـوا علـى ابـن دهيِّـم ٍ بالجـزيـره

ماهـابـوا الـجـربـان لـوهــم مـلافـيـه

وتشهد لهـم قـارة الجِنَـبْ والكِظاميـرْ

والـرّوضْ والمـركـوزْ والـحَـزِلْ والشِّـيْـرْ

ولـوقـة مقـيـض مدلـهـيـن الـخـواويـرْ

ياسِعْـد بالشِّـداتْ مـن هــمْ حوالـيـه

ونعـم ٍ بضـاري راعـي الكـود والـجـودْ

الفارس المشهور مـن نسـل محمـودْ

النـادرالـضِّـرْغـام مـايـقـبــل الـــــزودْ

يـاعِـدَّوا رجــال الـعـرب مــن يـدانـيـه

ويذكـرْ لنـا سـالـم قصـيـر الدغـيـراتْ

فـي كـون ظفـرة يـوم الأذهـان خَفَّـاةْ

ركــض عـلـى الصَّابـورمـابـه مـــراواة

وخــذوا بنـاتـه مابـقـى مــن تـولِّـيـه

وإن كان تنشد عن شفاقـة وعبطـانْ

طيـور شلـوى مـن صـواريـم حــورانْ

نـعـم ٍ بـهــم يـاثــار عـــجّ ٍ ودخـــانْ

يشـهـد لـهـم بـيـت ٍ لـعـدوان بانـيـه

وعايـس ابـو حسبـان يــاوَيْ عـايـسْ

مِـفْـرَاصْ مــاص ٍ للمهـمـات عـايـسْ

بـــه الـنِّــدى والـجــود ماينتـقـايـسْ

شيـخ الجهـامـة والمصالـيـح تتلـيـه

ويامنَّـهـم حـضـروا رجــال الـطـلايـبْ

يقلـط لهـم سالـم عطيـب الضـرايـبْ

حــلاّل عـسـرات القـفـول الصـعـايـبْ

ياكـبـرت الـقـالات مــا حــد ٍ يناحـيـه

عايـس وسالـم كاسبيـن الحمـيـدي

عصمـان الاريـاء عامسيـن الضديـدي

يشهـد لهـم بالطيـب حـزل الفديـدي

نقـي عـرض ٍ طيبهـم مـاهـو كامـيـه

وسعدي على الشَّقراء نهـار الكتامـهْ

يـاصــار بالـمـيـدان يـرخــي زمـامــهْ

يــــاوَيْ خــيّــال ٍ يــفــك الـجـهـامـه

شحيتـان مـن فعـلـه دنـايـاه تبكـيـه

ونـعـم ٍ بصـايـل ْ زبـــون المجـاهـيـمْ

صفـر ٍ لهـن بالـكـون جــضّ ٍ وتـرزيـمْ

ينـخـن شـجـاع ٍ ضــاري ٍ للمـلازيـمْ

عــيّ ٍعـديـم ٍ تـايــه ٍ مـــن يـلاقـيـه

وانبيـك عـن حسبـان زيــن الفعـايـلْ

مركـي علـى كبـد الحـريـب المـلايـلْ

شـيـخ ٍ كـريـم ٍ وافـــي ٍ بالخـصـايـلْ

بعيـد صيـت ٍ حتـى الاجنـاب تطـريـه

وابــو نـفـود اللـيـث سـبـع الـضّـواري

عـوق العديـم الـلـي بفعـلـه يـمـاري

ملـحـق خـويّـه مـايـهـاب الـخـطـاري

فـي سـاعـة ٍ دمّ المناعـيـر كاسـيـه

وعيسى اخو دهَيَـا سلايـل كحيـلانْ

شيخ ٍعلى الطّولات والطّيب شفقـانْ

يــوم الفعـايـلْ والجـمـايـلْ والاكـــوانْ

عند الخـوي خمـس ٍ ذبحهـم حواليـه

وباني ليامنَّـه ضـوى البيـت واحتـافْ

سـبـع ٍ ضـريـر ٍ مـاتـراعـد ولاخـــاف ْ

كسـاب وضـح ٍ جابهـن مـن وراء رافْ

عشرين مـع عشريـن حـروة مغازيـه

وامّـا الدّليـل الـلـي علـيـه الكـلامـي

دلـيــل عـيــرات ٍ تـبــوج الـظّـلامــي

هـريـش سـتـر مـردّعـات الوشـامـي

قِــدَا عـبـدالله يـــوم حـايــل تجـلـيـه

ونـعــم ٍ بمـقـبـلْ كـريــم السـبـالـي

يـذكـر مــع الاجــواد مــاض الفعـالـي

يــوم الـكـرم والـجـود لـهـن مجـالـي

ذبـح قعـود البـيـت مــن دون عانـيـه

وذكــرت اخــو نــوى نـهـار الـطـرادي

مهيقـيـص خـيـال الطّـيـاح الـتّــلادي

قلايـعـه بـالـكـون تـسـعـة جـيــادي

وسمي غدير الخيـل بفعلـه نسمّيـه

دايـم علـى سعـدى بـراس الجذيـبـهْ

تـهـابـه الــغــزوان مـايـنـعـدي بــــهْ

شـــر ٍ شـريــر ٍ مـايـقـربْ شـعـيـبـهْ

يـاويـل مــن هــو يزحـمـهْ أو يعـاديـه

وونيس أبـو جرمـان حِبْـس الكمينـي

راع الصّخـى والجـود طلـق اليمينـي

فــي بيـتـه الـديـوان دايـــم يبـيـنـي

مـن روس ربـعـه عـايـزات ٍ مماشـيـه

واذكــرْ خليـفـة بالـشّـرف والبـتـاعـهْ

صليـب راي ٍ مـن رجــال الشجـاعـه

امـنـاكـد الـعــدوان مــاهــو رعــاعــهْ

يستـاهـل الامــداح جـامـعْ بنيـخـيـه

ونعـم ٍ بطـاري يـوم جـدعْ الملابـيـسْ

ودعيثيـر ومنـذرْ كاسبيـن النواميـسْ

وقطـيّـان حـمـاي البـكـار العرامـيـسْ

نعـم ٍ باهـل البلهـاء رجــال ٍ مدالـيـه

وعـايـد العقـيّـد يــوم كُــوره يـشــدّهْ

وركـبـوا مـعـه عـيـالْ عـمــه وجـــدّهْ

طلـعـه بعـيـد ٍ مـــا قـريــب ٍ مـهــدّهْ

ذود الدعيْـدع حايـشـه مــن مفالـيـه

وسايـر ابــن هــادي زبــون الونـيّـاتْ

يثني قفـا الشـردان والخيـل عجـلاتْ

هـو الـذي لمثـلـه تـشـوم الخَـونـداتْ

فـــراج بـــن كـلـيـب يـذكــر مـواريــه

ونعـم ٍ باخـو فهيـدة غــلام ٍ عنـيـدي

اللـي بــه الشّـاعـر يـعـد القصـيـدي

ويـقــول غـيــره مالقـيـنـا عـضـيـدي

في لقوة الهلبـاء هنـي عيـن ناخيـه

ونـومــان ورحَـمَــة ْ يــاويّــا دوالــــي

وخِتْخُـوت وهديـسـان فِــرْز العيـالـي

عـاداتـهـم يـثـنـون خـلــف الـتـوالـي

ويفـرح بهـم راعــي هلـيـب مخلـيـه

وعـايـد ومـفــرج والحـمـيـدي ونـــزالْ

نـعـم ٍ بـهـم يـاصــار عـــج ٍ وزلـــزالْ

والجيـش يصـلـى بالـمـوازر ويجـتـالْ

مــن ازرق الـدخـان والمـلـح شـاويـه

والنّـعـم بجعـيـثـن كـعــام الـعـداتـي

بالكـون يذكـر مــن حـضـاة الرمـاتـي

صــق ٍ صحـيـح ٍ مابـقـولـي رواتـــي

يشهد له عضيب السّعو ماهو ناسيه

واخـوان مزنـة واهنـي مــن رجـاهـمْ

هبيـكـان وشـايــع بـعـيـد مـعـداهـمْ

مـاذْكِـرْ بالماضـيـن مـثــل مـغـزاهـمْ

وجابـوا حـلال القـوم تسمـع حـواديـه

ودهــام هــو دهــام راع الـرشـومـي

عنـد الضيـاغـم قـالـط ٍ ومحشـومـي

نـعـم بـاخـو مـزنـة قــوي الـعـزومـي

رجــل ٍ شـريـف ٍ مـاتــردتْ هـقـاويـه

ويذكـر لـنـا شــلاش يــوم الزّحـامـي

علـى القنِيْـنَـة لاسقـاهـا الغمـامـي

قـــدام ربـعــه راســـي ٍ مايـضـامـي

نعـم ٍ باخـو حسنـاء ليـا حـل طـاريـه

وحسـن ابـو صالـح ربـيـع الضّعـافـي

يــوم السنـيـن الكـايـدات العـجـافـي

راع الـصـخـا يــــاوي والله سـنـافــي

كم من ضعيـف بربعـة البيـت غاذيـه

وعـودة وغربـي مـن خـيـار الاجـاويـدْ

ريف الخوي والضّيـف والجـار لـه عيـد

ورزق العَفَـرْ كسّـاب جــزل التحامـيـد

الـلـي مضيـفـه للخطـاطـيـر بـانـيـه

هـذتـا مـوجـز مــن فـعـول ٍ حـمـيـدهْ

يـصـعـب علـيـنـا عـدّهــا وتـعـديــدهْ

تـاريــخ يـبـقـى لـلـقـرون الـبـعـيـدهْ

مـاقــل دل وزايــــدْ الــهــرج مـابـيــه

ذكـــرت طـيــب ربـوعـنـا بالـمـثـايـلْ

وتبـقـى المـثـايـل للفـعـايـل دلايـــلْ

مانـا مــن الـلـي يجـحـدون الفعـايـلْ

طيـب الجماعـة كلهـم نفتـخـر فـيـه

اذكرفعايلـهـمْ ولابــه عـلــي عـيــبْ

واخـصـهـم بـالـمـدح والخيروالـطـيـبْ

ولاانـــا بـحــال مـدوريــن الـعـذاريــبْ

ولاخيـرفـي رجــل ٍ تـنـكّـر لمـاضـيـه

ويالله أنـــا طـالـبـك تـغـفـر ذنـوبـهـمْ

وتنـزل عليهـم رحمـة ٍ فـي قبورهـمْ

وبجنـة الـفـردوس تجـمـع شمولـهـمْ

أنـت الكريـم اللـي جــزال ٍ حسانـيـه

واليوم نحَمْد الله على حكم آل سعود

أمن ورخـى والنـاس بسهـود ومهـود

وعسى الزمان اللـي ذكرنـاه مايعـود

خـــوف ٍ وجـــوع ٍ مـاتـعــدد بــلاويــه

وصـلاة ربـي عــد مـاهـب نسـنـاسْ

على النبي الهاشمي صفوة النـاسْ

شفيعنـا بيـوم ٍ إيشيـب بــه الــراسْ

مايلتـفـت بــه غـالـي ٍ يـــم غـالـيـه

الشاعر/ عيـد العيسى الضوي

آل ضو الضو آل ضو عيال الضو الضواويه ضوي ولد الضو شم قبيلة شمر فخذ الضو قبيلة الضو عيال آل ضو الشمروخ الشماريخ شمروخ الضويه ضويه شمروخيه الشمروخ شماريخ شمر شمامره الشمري شمر بحعد حيي حائل سكاكا رفحا الضو قبيلة شمر نسب شمر نسب الضو الزميل ابن ثنيان السالم الشفاقة الهرشه السميح الجعيثن المحمود الزميل زوبع الطنايا آل ضو الضوي الضو مجالس ال ضو قبيلة شمر شمري آلضو ضوي قبيلة آل ضو قبيلة الضو آل ضو الضو آل ضو عيال الضو الضواويه ضوي ولد الضو شم قبيلة شمر فخذ الضو قبيلة الضو عيال آل ضو الشمروخ الشماريخ شمروخ الضويه ضويه شمروخيه الشمروخ شماريخ شمر شمامره الشمري شمر بحعد حيي حائل سكاكا رفحا الضو قبيلة شمر نسب شمر نسب الضو الزميل ابن ثنيان السالم الشفاقة الهرشه السميح الجعيثن المحمود الزميل زوبع الطنايا آل ضو الضوي الضو مجالس ال ضو قبيلة شمر شمري آلضو ضوي قبيلة آل ضو قبيلة الضو